Цагдаагийн ерөнхий газрын Тээврийн цагдаагийн албанаас энэ оны 06 дугаар сарын 30-наас эхлэн 8 дугаар сарыг дуустал зам тээврийн осол, хэргийн улмаас хүний амь нас, эд хөрөнгө хохирохоос урьдчилан сэргийлэх, замын хөдөлгөөнд оролцогчдын буруу дадал хандлагыг өөрчлөх, зөв үйлдэлд уриалах, замын хөдөлгөөний соёлыг төлөвшүүлэх зорилгоор "НЭГ ЗАМ-НЭГ СОЁЛ" нөлөөллийн аяныг улсын хэмжээнд өрнүүлсэн юм.
Өнгөрсөн онуудад "Яараад яахав дээ", "Ирээдүйгээ хамгаалъя", "Аажуу явбал аяндаа хүрнэ дээ” зэрэг ухуулга нөлөөллийн аян, арга хэмжээг төрийн болон төрийн бус байгууллага, иргэн, хуулийн этгээдийн дэмжлэгтэйгээр зохион байгуулсан.
Энэ удаагийн "НЭГ ЗАМ-НЭГ СОЁЛ" аянд Чингэлтэй дүүргийн Гэмт хэргээс урьдчилан сэргийлэх ажлыг зохицуулах салбар зөвлөл тэргүүн байр эзэлж, “Талархал”-ыг Зөвлөлийн дарга Б. Мөнхбат гардан авлаа.
ХУРЛЫН АЖЛЫН АЛБА
