2024 оны 10 дугаар сарын 16-ны өдөр Даланзадгад сумын Сонгуулийн Хороо хамгийн олон санал авсан 29 нэр дэвшигчийг Төлөөлөгчөөр сонгогдсонд тооцох тухай тогтоолыг сумын Иргэдийн Төлөөлөгчдийн Хуралд өргөн барилаа.
Аймаг, нийслэл, сум, дүүргийн иргэдийн Төлөөлөгчдийн Хурлын 2024 оны ээлжит сонгуулиар Даланзадгад сумын иргэдийн Төлөөлөгчдийн Хуралд 10 тойрогт 59 нэр дэвшигч өрсөлдөж, 29 нэр дэвшигч Даланзадгад сумын ИТХ-ын төлөөлөгчөөр сонгогдлоо.
Сумын иргэдийн Төлөөлөгчдийн Хурлын зүгээс цаашдаа Орон нутгийн сонгуулийн тухай хууль болон сонгуулийн үйл ажиллагаатай холбоотой зарим нэг асуудлыг тодорхой болгох талаар санал бодлоо солилцож хууль эрх зүйн хүрээнд өөрчлөх шаардлага байгааг илэрхийлэв.