2015 оныг экологийн боловсролыг дэмжих жил болгон зарласантай холбогдуулан сумын иргэний танхимд усны нөөцийн нэгдсэн менежментийн төлөвлөгөө боловсруулах хэлэлцүүлгийг ЗДТГ, Онон голын сав газрын захиргаатай хамтран зохион байгууллаа. хэлэлцүүлэгт төрийн болон төрийн бус байгууллага, ойн нөхөрлөлийн холбоо, нөхөрлөлүүдийн гишүүдийн төлөөллийг хамруулсан 26 иргэн оролцож төлөвлөгөөнд тусгах саналаа илэрхийллээ. мөн БОХУБайцаагч  Б.Мөнх-очир экологийн боловсролыг дэмжих жилийн хүрээнд хийгдэх ажлын төлөвлөгөө, Л.Энхтөвшин "Батширээт" сум дундын ойн ангийн 2014 оны ажлын тайлан, ОГСГЗ-ний мэргэжилтэн О.Мөнх-оргил 2015 оны гадаргын усны нөөцийн менежментийн төлөвлөгөө, мэргэжилтэн Б.Уранбилэг 2015 оны экологи ойн талаар хийх менежментийн төлөвлөгөөг тус тус танилцуулав.