Аймгийн ИТХ-ын дарга Ч.Мөнхбат, УИХ-ын гишүүн Н.Батбаяр нар “Монгол Улсын тэргүүний сум”, “Монгол Улсын хамгийн олон малтай сум”, “Монгол Улсын хамгийн олон хоньтой” сум тодотголт Архангай аймгийн Эрдэнэмандал сумын алдар гавьяагаа тэмдэглэх баяр наадамд оролцож, эрдэнэмандалчуудад халуун талархал илэрхийлсэн.

Арын хангайн өвгөн уулс өвөрлөн дүнхийж, Архангай нутгийн зон олон өнөтэй сайхан өвөлжиж байна. Монгол Улсын төр, засгийн мялаалгын хуртай зэрэгцэн байгаль ээж мөн хураа илгээсэн нь шинэ сарын өмнөхөн буянт сүргийг маань давхар шагнасан сэргээш боллоо хэмээн ард олон бэлгэшээж байлаа.  Монгол хүний хөдөлмөр, ухаан дундаршгүй байж, монгол малын буян өнөд арвижин дэлгэрэх болтугай.