Чингэлтэй дүүргийн ерөнхий боловсролын 12 сургуулийн багаас бүрдсэн цэрэг спортын “Дөл” тэмцээн дүүргийн Биеийн тамир спорт хорооны зааланд 3-р сарын 5-нд болсон. “Дөл” тэмцээнд 117, 23, 39 , 49, 50, 24, 72, 61, 17, 37, 57, 5 дугаар сургуулийн 12 баг-сурагчид цэргийн хувцас өмсгөлөөр жигдрэн, жагсаалын үзүүлэх тоглолт, цэргийн 16 тоот дасгал, цогцолбор дасгал, урлагийн үзүүлбэр, ханын сонин, эмнэлгийн анхны тусламжийн норматив, тасгийн захирагч нарын дундах тэмцээн, буухиа тэмцээнээр өрсөлдсөн юм.
1-р байрыг 24 дүгээр сургууль, 2-р байрыг 72 дугаар сургууль, 3-р байрыг 49 дүгээр сургуулийн баг эзэлсэн. Дүүргийн Засаг дарга Д.Ганболд, дүүргийн Цэргийн штабын дарга Ж.Даваарагчаа нар тухайн сургуулийн захирлууд, “Дөл” тэмцээнд оролцсон сургуулийн сурагчидтай дурсгалын зураг татуулсан юм. “Эх орон-Тусгаар тогтнолын эзэд” ёслол хүндэтгэлийн арга хэмжээний үеэр багуудад дурсгалын зургийг нь 3-р сарын 13-нд гардуулж өглөө.