3-р сарын 14-нд зохион байгуулсан “Ахмадаа хүндэтгэе” арга хэмжээнд оролцож, урлагийн тоглолтоор бэлэг барьсан авьяаслаг ахмадуудаа дүүргийн Иргэдийн Төлөөлөгчдийн Хурлын дарга Д.Бат-Эрдэнэ, дүүргийн Засаг дарга Д.Ганболд нарын албаны хүмүүс хүлээн авч хүндэтгэл үзүүлэх арга хэмжээ 4-р сарын 3-нд боллоо.
Ахмадуудыг зохион байгуулж, 10 хоногийн хугацаанд бэлтгэл сургуулилт хийлгэсэн дүүргийн Соёлын төвийн хамт олон ч хүрэлцэн ирсэн.
Энэ үеэр дүүргийн Иргэдийн Төлөөлөгчдийн Хурлын дарга Д.Бат-Эрдэнэ, дүүргийн Засаг дарга Д.Ганболд нар зарим ахмад болон залуу уран бүтээлчийг  дүүргийн “Хөдөлмөрийн алдар медаль”, “Чингэлтэй дүүргийн 20 жилийн ойн медаль” зэрэг шагналаар шагнасныг гардуулж, нийт ахмадууддаа “Чингэлтэй хайрханы өвөрт” түүхэн гэрэл зургийн номыг дурсгав.