Олон улсын Музейн өдрийг тохиолдуулан Дархан-Уул аймгийн Музей "Эрдэм шинжилгээний бага хурал"-ыг зохион байгуулав. Хуралд Орхон, Сэлэнгэ, Булган, Төв аймгууд болон ОХУ-Хиагт хотын музейн ажилтнууд оролцлоо. Хурлын нээлтэнд: Аймгийн Музейн захирал А.Болорсүх, Дархан сумын ИТХ-ын дарга Т. Тулгаа, Монголын Музейн нэгдсэн холбооны тэргүүн Ж.Мяндас, Хар хорин Музейн сэргээн засварлагч, Соёл судлалын тэнхимийн эрхлэгч О.Ангарагсүрэн, Монголын Музейн нэгдсэн холбооны удирдах зөвлөлийн гишүүн Х.Цогтбаатар, МҮМ-н Археологи, Антропологийн секторын эрхлэгч Ц.Одбаатар нар оролцож эрдэм шинжилгээний бага хурлын үйл ажиллагаанд амжилт хүсэв. Эрдэм шинжилгээний бага хурлын нээлтийн үеэр Дархан сумын ИТХ-ын дарга Т.Тулгаа “ Дархан хотын байгуулагдах үеийн тогтоол, зарлиг, түүхэн баримт”- уудыг тус музейд хадгалуулсан юм. Дархан уул аймаг байгуулагдаад хагас зууны жилийг элээсэн хэдий ч аймгийн музейд хот байгуулсан тогтоол, зарлигууд хадгалагдаж үлдээгүй байсан аж.
