“Ногоон гэрэл цагаан шугам” тэмцээн
Жил бүр уламжлал болгон зохион байгуулагддаг “Ногоон гэрэл-Цагаан шугам” тэмцээн Даланзадгад суманд зохиогдлоо. Тэмцээнд Даланзадгад сумын төвийн ЕБС-ийн 1, 2, 3, 4-р сургуулийн тамирчид мэдлэг чадвар, авхаалж самбаа сорьж өрсөлдлөө. Энэхүү тэмцээнийг зохион байгуулсанаар гэмт хэргээс урьдчилан сэргийлэх, замын хөдөлгөөний аюулгүй байдлын тухай хууль, замын хөдөлгөөний дүрмийн мэдлэгийг дээшлүүлэх, хөдөлгөөнд соёлтой оролцож хэвших ач холбогдлыг өсвөр үе, иргэдэд сурталчлах зорилготой. “Ногоон гэрэл- Цагаан шугам” тэмцээнийг аймгийн гэмт хэргээс урьдчилан сэргийлэх ажлыг зохицуулах зөвлөл, хууль зүйн хэлтэс, цагдаагийн газар хамтран зохион байгуулсан юм.