Монгол улсад Шинэ үндсэн хууль батлагдсны 24 жилийн ой , гал унтраах байгууллага үүсч хөгжсөн 94 жилийн ойн баярт зориулсан үндэсний бөхийн барилдаан спортын ордонд болж өндөрлөлөө. Барилдаанд нийт 64 бөх зодоглон уран мэхийг уралдуулж барилдсанаас аймгийн арслан С.Ерөөлт түрүүлэн аймгийн арслан Б.Сүхбаатар үзүүрлэв. Харин аймгийн заан н.Баасансүрэн, аймгийн харцага Ж.Бадрал нар удаалжээ. Барилдааныг бөхийн хорхойтнуудаас гадна аймгийн ИТХ-ын дарга П.Эрдэнэбат , Дархан сумын засаг дарга Б.Азжаргал ,БТСГ-ын дарга О.Банзрагч , МУГТ Н.Батлав, Дархан-Уул аймгаас шинэхэн төрөн гарсан МУГТ , Бөхийн чөлөөт барилдааны дэлхийн аваргын мөнгөн медальт П.Өнөрбат нар үзэж сонирхсон байна.
