Монгол Улсын Их Хурлын дарга Зандаахүүгийн Энхболд 2016 оны дөрөвдүгээр сарын 1-3-ны өдрүүдэд Булган, Орхон, Сэлэнгэ, Сайхан сумын Хөтөл хот, Дархан-Уул аймгуудад ажиллаж, аймгуудын удирдлагуудтай уулзан орон нутгийн ажил байдал, бүтээн байгуулалт, үйлдвэрүүдийн үйл ажиллагаатай танилцана.
Улсын Их Хурлын дарга орон нутагт ажиллах томилолтынхоо хүрээнд 2016 оны дөрөвдүгээр сарын 3-нд Дархан-Уул аймгийн ажил байдалтай танилцаж, Эко ноос” ХХК, “Дархан минж” ХХК-ийн үйл ажиллагаатай танилцах юм.
Мөн 15.00 цагаас Залуучууд театрт Дархан-Уул аймгийн иргэдтэй уулзах тул Дарханчууд та бүхнийг өргөнөөр оролцохыг урьж байна.