Сүхбаатар дүүргийн Иргэдийн Төлөөлөгчдийн Хурлын тэргүүлэгчдийн зургаадугаар хуралдаан 2016 оны 5 дугаар сарын 19-ний өдөр хуралдаж 7 асуудал хэлэлцлээ.
Хуралдаанаар "Дүүргийн ногоон байгууламжийг нэмэгдүүлэх талаар
хийж хэрэгжүүлсэн ажил, цаашид авах арга хэмжээний тухай", "УИХ болон нийслэлийн ИТХ-ын сонгуулийн хэсгийн
төвд өөрчлөлт оруулах тухай" асуудлыг дүүргийн Засаг даргын орлогч Л.Амарзаяа, "Жижиг, дунд үйлдвэрлэлийг дэмжих төвөөс
ажилгүйдлийг бууруулах чиглэлээр авч буй арга хэмжээний тухай" дүүргийн Жижиг, дунд үйлдвэрлэлийг дэмжих төвийн дарга Ц.Шижир, "2016 онд Цэргийн алба дүйцүүлэн хаах иргэний
нэрсийн жагсаалт, тэдгээрийн сургалт бусад шаардагдах зардлыг батлах тухай
болон 2013 оны 85, 2014 оны 37, 2015 оны 25 дугаар тогтоолуудын биелэлтийн
тухай" дүүргийн Цэргийн штабын дарга Л.Батаа, "Улаан бурхан өвчний тархалтын явц, хандлага,
өвчнөөс урьдчилан сэргийлэх зорилгоор дүүргийн хэмжээнд хийж, хэрэгжүүлж буй ажлуудын тухай" дүүргийн Эрүүл мэндийн төвийн дарга Л.Баярхүү, "Дүүргийн ГХУСАЗЗ-ийн
бүрэлдэхүүнд өөрчлөлт оруулах тухай" дүүргийн Иргэдийн Төлөөлөгчдийн Хурлын дарга Б.Ган-Эрдэнэ, "Төрийн цол, одон медалиар шагнуулахаар дэмжиж, уламжлах тухай" Засаг даргын саналыг ЗДТГ-ын шагналын асуудал хариуцсан мэргэжилтэн М.Баянзул нар танилцуулж тэргүүлэгчдийн хуралдаанаар хэлэлцэн холбогдох тогтоол, шийдвэрүүдийг гаргасан байна.
