“Улаан-Үүд” хот нь Монгол улсын тусгаар тогтнол, хөгжил цэцэглэлт, иргэдийн хоорондын харилцаатай салшгүй холбоотой түүхт хот билээ. Тэр ч утгаараа Дархан-Уул аймгийн удирдлагууд Улаан-Үүд хотын 350 жилийн ойд ач холбогдол өгч ийнхүү албан ёсны айлчлалаа хийсэн юм. ОХУ-ын Буриад Улсын Улаан-Үд хотын дарга Александр Михайлович Голковын урилгаар Дархан-Уул аймгийн ИТХ-ын дарга Г.Эрдэнэбат, аймгийн Засаг дарга С.Насанбат нарын тэргүүтэй ажлын хэсэг 2016 оны 09 дүгээр сарын 1-нээс 9 дүгээр сарын 4-ний өдрүүдэд албан ёсны айлчлал хийгээд ирлээ. 350 жилийн ойн баярт оролцохоор БНХАУ, БНСУ, Япон улс, Монгол Улсын хотын дарга нар болон ОХУ-ын Ангарск, Омск, Новосибирск , Чита зэрэг хотын дарга нар иржээ. Улаан-Үд хотын түүхт ойн баярын хурал 2016 оны 09 дүгээр сарын 02-ны өдөр боллоо.
Ирэх сард манай аймгийн түүхт 55 жилийн ой болно. Тиймээс ах дүү хотуудын харилцаатай Улаан-Үүд хотын ойн баярын арга хэмжээг хэрхэн ёслол төгөлдөр зохион байгуулж байгаатай танилцан туршлага судлалаа. Энэхүү ойн баярын арга хэмжээнд ОХУ-ын 10 гаруй хотын дарга уригдан оролцож байгаагийн зэрэгцээ төрийн өндөр дээд хэмжээний зочид ирсэн гэдгийг Улаан-Үд хотын дарга А.М Голков онцолж байлаа. 2016 оны 09 дүгээр сарын 2-ны өдөр 15.00 цагт Г.Цэдэнжавын нэрэмжит Буриад улсын дуурь бүжгийн эрдмийн театрт баярын хурал, ардын урлагийн уран бүтээлчид урлагийн гала концертыг зочдод сонирхууллаа.
