Аймгийн Засаг дарга 7 хоног бүрийн баасан гаригт аймгийн ЗДТГ-ын хурлын зааланд иргэдтэй уулзаж тэдний өмнө тулгамдаж байгаа асуудлыг шийдвэрлэдэг уламжлалтай. Энэ дагуу өнөөдөр /2016.12.02/ аймгийн Засаг дарга С.Насанбат Буян захын түрээслэгчидтэй газар дээр нь уулзаж санал гомдлыг нь сонслоо. Эндээс гарсан санал гомдлыг шуурхай шийдвэрлэх үүднээс Аймгийн ТЗУХ-ын дарга П.Баярсайхан, Захирагчийн албаны дарга Э.Равжаадэлгэрэх болон МХГ, СХЗХ-ийн удирдлагуудтай хамт явсан юм. Буян захыг түрээслэгчдийн хувьд түрээсийн үнийг бууруулах, хотын доторх хогийн савыг нэмэгдүүлэх, үйлдвэрүүдийг ашиглалтад оруулж улмаар ажлын байр нэмэгдүүлэх зэрэг саналуудыг хэлж байлаа.