Аймгийн Засаг дарга Ц.Мөнхнасан бүх шатны төсвийн шууд захирагч, сумын Засаг дарга, санхүүгийн албаны дарга нарт төсвийн хэмнэлтийн горимд шилжих, тэвчиж болох зардлыг гаргахгүй байх талаар үүрэг, чиглэл өгсөн байна.
Өнгөрсөн сарын 30-ны өдөр гарсан уг албан бичигт цалин хөлс, нийгмийн даатгалын шимтгэл, тогтмол зардлуудаас бусад зардлыг хэмнэхийг үүрэг болгожээ. Үүнд тавилга, эд хогшил, урсгал засвар, бусад бараа үйлчилгээний болон хөрөнгийн холбогдолтой зардлуудыг гаргахгүй байхыг оруулсан байна.
Мөн төсвийн хөрөнгөөр хурал, зөвлөгөөн, сургалт зохион байгуулах тоо, давтамжийг багасгах, төсвийн байгууллагын машины түлш, шатахуун, гадаад, дотоод албан томилолтын зардлыг бууруулах, хууль бус тэтгэмж, урамшуулал, шагнал олгохгүй, гадаад, дотоод тойрон аялал, уралдаан, тэмцээн зохион байгуулахгүй байхыг үүрэг болгожээ. Түүнчлэн шинээр ажилтан авахгүй, төсөвт батлагдаагүй шинэ орон тоо нэмэгдүүлэхгүй байх, орон нутгийн хөгжлийн сангийн хөрөнгөөр худалдан авах ажиллагааны сонгон шалгаруулалт зарлахгүй, гэрээ байгуулахгүй, ажил нь эхлээгүй хөрөнгө оруулалтын ажлын санхүүжилтийг зогсоох зэрэг арга хэмжээ авахыг мэдэгдсэн байна. Энэхүү үүрэг, чиглэлийн биелэлт, хэрэгжилтэд хяналт тавих ба ажил дүгнэх үзүүлэлт болгох юм байна.
Увс аймгийн иргэдийн Төлөөлөгчдийн Хурал
Увс аймгийн иргэдийн Төлөөлөгчдийн Хурал
Увс аймгийн ИТХ-ын албан ёсны цахим хуудас Увс аймгийн ИТХ-ын албан ёсны цахим хуудасТӨСВИЙН ХЭМНЭЛТИЙН ГОРИМД ШИЛЖИХ ҮҮРЭГ ӨГЧЭЭ
2016-09-19
Фото мэдээ
Хурлын хороод
Ярилцлага
Үйл явдлын мэдээ
ИТХ-ын мэдээ
НИЙТЛЭЛ, ӨГҮҮЛЭЛ
Видео мэдээ
Архангай хөтөч