Засгийн газрын гишүүд, аймаг, нийслэлийн Засаг дарга нар үр дүнгийн гэрээ байгуулж, баталгаажууллаа. Хүнс хөдөө аж ахуй хөнгөн үйлдвэрийн сайд П.Сэргэлэн 21 аймгийн Засаг дарга нартай хамтран ажиллах гэрээг  /2017.01.06/ төрийн ордонд үзэглэлээ. Хүнс хөдөө аж ахуй хөнгөн үйлдвэрийн салбарт 2017-2020 онд баримтлах бодлогыг хэрэгжүүлэх ажлын хүрээнд мал аж ахуйн болон газар тариалангийн үйлдвэрлэл, мал амьтны эрүүл мэнд, хүнсний болон хөнгөн үйлдвэрлэл, жижиг дунд үйлдвэр хоршоо, дотоодын худалдаа нийтийн хоолны үйлчилгээний чиглэлээр хамтран ажиллах юм. Мөн орон нутгийн удирдлагатай өвөлжилт хаваржилт, хаврын тариалалт, ургац хураалт, мал төллөлтийн үеэр хамтран ажиллах юм .