2017 оны 1 дүгээр сарын 12
Онон голын эх Гутайн даваанд /Батширээт, Биндэр сумдын нутагт/ олгогдсон уул уурхайн тусгай зөвшөөрлүүд, хууль бус олборлолтын талаарх үнэн бодит мэдээллийг иргэдэд хүргэж, саналыг аймгийн шийдвэр гаргах түвшинд хэлэлцүүлэн бодлогын зөвлөмж, саналыг УИХ, ЗГазрийн байгууллагуудад хүргүүлэх зорилготой “Онон голын эхэн дэх уул уурхайн ашиглалт олборлолтын талаарх мэдээллийг нутгийн иргэдэд хүргэж, шийдвэр гаргах түвшинд нөлөөлөх” сэдэвт уулзалт хэлэлцүүлгийг сумын ИТХ-ын дэргэдэх иргэний танхимд зохион байгуулагдлаа.
Хэлэлцүүлгийн зохион байгуулагчаар Дэлхийн байгаль хамгаалах сан, Байгаль орчны хуульчдын холбоо, Онон Улз голынхон ТББ, хамтран зохион байгуулагчаар Хэнтий аймгийн ИТХ, сумдын ИТХ, Хэнтий аймгийн Байгаль орчны газар тус тус ажиллаа. Хэлэлцүүлэгт сумын Засаг дарга, байгаль орчны албаныхан зэрэг нийт 16 хүн хамрагдсан байна.
Хэлэлцүүлгээс гарах үр дүн:
- Хүний эрх, байгаль орчныг хамгаалах тухай эрх зүйн зохицуулалтын талаарх ойлголтыг оролцогчдод хүргэх
- Нутгийн иргэдэд “Гутайн давааны” талаарх мэдээллийг хүргэн, гарсан саналуудыг нэгтгэх
- Орон нутагт уул уурхайн салбарт баримтлах бодлогыг тодорхойлох
- Аймгийн шийдвэр гаргах түвшинд бодлогын санал, зөвлөмж гаргах
хэлэлцүүлэгт оролцогчид
