Нээлтийн арга хэмжээнд дүүргийн Иргэдийн Төлөөлөгчдийн Хурлын ажлын албаны дарга Ц.Алтанцацрал, ИТХ-ын Иргэний оролцоо, олон нийттэй харилцах хэлтсийн дарга Т.Уламбаяр, Эрүүл мэндийн төвийн дарга Ц.Лхагва, Нийгмийн хөгжлийн хэлтсийн дарга Т.Ням-Очир албаны бусад хүмүүс оролцлоо.
Иргэдийн Төлөөлөгчдийн Хурлын ажлын албаны дарга Ц.Алтанцацрал тус аяныг нээж аяны зорилго, аяны хүрээнд зохион байгуулах үйл ажиллагааны талаар товч танилцуулсан юм.
Өнөөдөр дүүргийн 1-6 дугаар хорооны иргэдэд Чингэлтэй дүүргийн эрүүл мэндийн төв, Өрхийн эрүүл мэндийн төв, Этүгэн АУДС, Бүх дэлхийн хүүхдийн сан ТББ, Чингэлтэй дүүргийн Улаан загалмайн хороотой хамтран сургалт мэдээлэл өгч, Үзлэг, оношилогоо /Лабораториор элэгний В, С вирус, БЗХӨ, ЭХО, ЭКГ, цусан дахь сахар, холестерин тодорхойлох/, зөвлөгөө өгөх үйл ажиллагаа болж байна.
Дэлхийн Эрүүл мэндийн өдрийг тохиолдуулан дүүргийн хэмжээнд нийгмийн эрүүл мэндийн тулгамдсан асуудлаар иргэдэд урьдчилан сэргийлэх мэдлэг олгох зорилготой энэхүү аян нь энэ сарын 27-ны өдөр хүртэл бүх хороодод үргэлжлэх юм.
